tirsdag 21. februar 2017

Strikkekafé på Sans og Samling


Bli med på strikkekafé tysdag 28. februar kl 19.00. Det vert sal av kaffi og noko lite å bite i. 

Strikkekafeen vert i dei nye lokala våre i kjellaren til Sogn Tavle og Data/Fjordklipp - tidlegare kjent som Kikkakjellaren. Inngang mot Saften. 

Vi startar kl 19, rett etter årsmøtet i handarbeidslaget.

mandag 20. februar 2017

Årsmøte 2017 - saksliste og sakspapir


Saksliste og sakspapir til Årsmøtet i Handarbeidslaget Sans og Samling 2017

Tid: Tysdag 28. februar kl 18.00
Stad: Sans og Samling, Riverdalen 2 

torsdag 19. januar 2017

Innkalling til årsmøte


Tysdag 28. februar kl 18 vert det årsmøte i Handarbeidslaget Sans og Samling. Vi håper mange av våre medlemmar vil delta og kome med innspel til sakene og idear til aktivitetar i 2017. Etter årsmøtet vert det strikkekafé. 


Møtet vert i dei nye lokala våre i kjellaren til Sogn Tavle og Data. Meir informasjon om og dagsorden med saksliste vert sendt ut til alle medlemmane seinast ei veke før årsmøtet. Om medlemmar har saker dei vil at årsmøtet skal ta stilling til må desse sendast inn til styret seinast to veker før møtet, altså innan tysdag 14. februar.

Alle medlemmar som har betalt medlemskontingenten for 2017 har stemmerett.

Saker som skal opp på årsmøtet:
  • Vedtekter
  • Årsrapport for 2016
  • Rekneskap for 2016
  • Budsjett for 2017
  • Kontingent for 2018
  • Val av styre og valnemnd
Alle som var medlem i 2016 får innkalling til Årsmøtet 2017. Om du ikkje har betalt medlemskontingenten for 2017 må du hugse å gjere det. Alle skal ha fått e-post med betalingsinformasjon, men all informasjon ligg også på heimesida vår: http://www.sansogsamling.net/p/innmelding.html



Medlemskontingent for 2017

Syns du det er fint at vi i Leikanger har ein butikk der ein kan kjøpe heimelaga produkt? Er du sjølv glad i å strikke eller å sy og har lyst å vere med på strikkekafe eller sykveld? Har du lyst å vere med på julemesse, bakstekurs, sykurs eller andre husflidsaktivitetar? 

Bli medlem i handarbeidslaget Sans og Samling! Støtt vårt arbeid gjennom medlemskontingenten og engasjer deg om du vil. 

Gå til innmeldingsskjema.


Medlemskontingent for 2017 er den same som før - kr 400. 

Medlemskontingenten er mellom anna med på å betale husleiga for butikken Sans og Samling - eit utsal av heimelaga produkt som vert drive på frivillig basis. 

Registrerte medlemmar får informasjon om arrangement og kurs før andre, og kan ofte delta på desse til spesielle medlemsprisar. I tillegg kan ein som medlem i handarbeidslaget få 10% rabatt på garn både på Små Livsgleder og på Putlestova. 

For deg som allereie er medlem:
Innbetaling til kontonummer: 3705.26.33762. Merk betalinga med ditt namn + kontingent 2017. 

lørdag 7. januar 2017

På flyttefot

Sans og Samling sin butikk er på flyttefot igjen!

Vi har pakka ned alle dei flotte heimelaga tinga og frakta dei med oss frå andre etasje i Saften, over parkeringsplassen og ned i kjellaren til Sogn Tavle og Datamontering og Fjordklipp - gamle Kikkakjellaren for dei som hugsar den 😊 

Vi skal male litt og få på plass nokre nye møblar før vi opnar igjen om nokre veker. Vi skal halde dykk oppdatert!

torsdag 5. januar 2017

Sykveldar våren 2017

Vi held fram med sykveldar. I vår vert det måndagskveldar frå 19.00 til 22.00. Alle er velkomne - hugs å ta med kopp :)

Datoar for sykveldar våren 2017:
  • 9/1 
  • 23/1 
  • 6/2 
  • 13/2
  • 27/2 
  • 6/3 
  • 20/3
  • 3/4 
  • 24/4 
  • 8/5 
  • 22/5 
  • 12/6
Er du interessert og vil vite meir? Bli med i den lukka Facebookgruppa vår