Fermentering er eit breitt omgrep som er knytt til ulike måtar å konservere mat på. Prosessen kan sporast tilbake til bronsealderen. Handarbeidslaget Sans og Samling har invitert Mathilde frå Bøtun økologiske marknadshage for å halde kurs i fermentering.
Tid: Torsdag 29. august frå kl. 17.00 til ca kl. 20.00
Stad: Skulekjøkkenet, Leikanger ungdomsskule
Kurset vil vare i 3 timar, og Mathilde stiller med råvarer til 2 ulike fermenterte produkt. Det er også mogeleg å ta med sjølvdyrka grønsaker. Mathilde vil også sei litt om surdeigsbrød og korleis denne fermenteringsprosessen fungerer.
Alle som deltek får med 2 ulike fermenterte variantar, ein surdeig og oppskrifter. Det er eit avgrensa tal deltakarar på dette kurset, og vi stenger påmeldinga når det er fullt. Viss du er interessert i å stå på venteliste kan du sende ein e-post til handarbeidslaget@sansogsamling.net.
Kurset har vanlegvis ein pris på kr. 900, men Handarbeidslaget Sans og Samling har fått støtte frå Sture Husabøs legat, og kan difor tilby rabatterte prisar: kr. 400 for medlemmar og kr. 700 for ikkje-medlemmar.
Det kostar kr. 400 i året å vere medlem i Handarbeidslaget Sans og Samling, og som medlem får du mellom anna. informasjon om og høve til å melde deg på våre kurs og aktivitetar før andre, rabattert pris på kurs og arrangement, og rabatt på garn på Små Livsgleder.